உலகக் கோப்பையில் அடைந்த தோல்வியால் கடுப்பான ரசிகர்கள் பிரேசில் வீரர்கள் சென்ற பேருந்து மீது தாக்குதல்- (வீடியோ இணைப்பு)

0
154

பிரேசில் அணி உலகக் கோப்பையில் அடைந்த தோல்வியால் கடுப்பான ரசிகர்கள், அவர்கள் சென்ற பேருந்து மீது தாக்குதல் நடத்தினர்.

21வது உலகக் கோப்பை கால்பந்து போட்டிகள் ரஷ்யாவின் பல முக்கிய நகரங்களில் பிரமாண்ட மைதானங்களில் நடைப்பெற்று வருகின்றன.

இத்தொடரின் லீக் போட்டிகள் முடிந்து, நாக்-அவுட், காலிறுதி போட்டிகள் முடிந்து நாளை அரையிறுதிப் போட்டிகள் தொடங்குகின்றன.

2018 உலகக் கோப்பை தொடரின் காலிறுதிப் போட்டியில் பிரேசில் அணி, பெல்ஜியம் அணியை எதிர்கொண்டது. இதில் ஆரம்பம் முதல் ஆதிக்கம் செலுத்திய பெல்ஜியம் அணி 2-1 என்ற கணக்கில் வெற்றி பெற்றது.

இதனால் 5 முறை சாம்பியனான பிரேசில் அணி காலிறுதியுடன் வெளியேற்றப்பட்டது. அதே போல் 4 முறை சாம்பியனான ஜெர்மனி அணி லீக் தொடரிலேயே வெளியேற்றப்பட்டது.

இந்நிலையில் பிரேசிலுக்கு திரும்பிய கால்பந்து அணி, பிரேசில் விமான நிலையத்திலிருந்து பேருந்தில் சென்ற போது, அதை அறிந்த அந்நாட்டு கால்பந்து ரசிகர்கள், வீரர்கள் சென்ற பேருந்து மீது கல்வீசி தாக்குதல் நடத்தினர்.

இந்த தொடரில் பிரேசில் அணியில் பெரிதும் எதிர்பார்க்கப்பட்ட நெய்மர் சோபிக்கவில்லை என்ற குற்றச்சாட்டு எழுந்ததோடு, அணி வெளியேற்றப்பட்டதால் பிரேசில் ரசிகர்கள் நெய்மர் உள்ளிட்ட வீரர்கள் மீது ரசிகர்கள் கோபமடைந்ததால் இந்த நிலை ஏற்பட்டதாக ஊடகங்கள் தெரிவிக்கின்றன.

LEAVE A REPLY

*

WordPress spam blocked by CleanTalk.