23.4 C
Zurich, CH

5 தடவைகள் உலக சம்பியனான பிரேஸிலுக்கு ஆப்பு வைத்த பெல்ஜியம்

0
89

ஐந்து தடவைகள் உலக சம்பியனான பிரேஸிலை கஸான் எரினா விளையாட்டரங்கில் நேற்று இரவு நடைபெற்ற உலகக் கிண்ண இரண்டாவது கால் இறுதியில் 2 க்கு 1 என்ற கோல்கள் அடிப்படையில் அபார வெற்றிகொண்ட பெல்ஜியம் அரை இறுதியில் பிரான்ஸை எதிர்கொள்ள தகுதிபெற்றது.

.முதல் சுற்றுடன் நடப்பு சம்பியன் ஜேர்மனி, முன்னோடி கால் இறுதிகளுடன் முன்னாள் சம்பியன்களான ஆர்ஜன்டீனா, ஸ்பெய்ன், கால் இறுதியில் உருகுவே ஆகிய அணிகளைத் தொடர்ந்து மற்றோரு முன்னாள் சம்பியனான பிரேஸிலும் இப்போது வெளியேற்றப்பட்டுள்ளது.

இந்தப் போட்டி முடிவை அடுத்து ஐரோப்பிய மண்ணில் ஐரோப்பிய நாடு ஒன்று சம்பியானவது உறுதியாகியுள்ளது.

6_belgium_fans

போட்டியின் ஆரம்பத்தில் பிரேஸிலினால் போட்டுக் கொடுக்கப்பட்ட சொந்த கோலும், பெல்ஜியம் கோல்காப்பாளர் திபோட் கோர்ட்டொய்சின் அற்புதமான தடுப்புகளும் பெல்ஜியத்தின் வெற்றிக்கு பிரதான காரணிகளாக அமைந்தன.

இப் போட்டியில் ஐந்துக்கும் மேற்பட்ட பிரேஸிலின் கோல் போடும் வாய்ப்புகளை கோர்ட்டொய்ஸ் தடுத்து நிறுத்தியதுடன் பின்கள வீரர்களும் சிறந்த தடுத்தாடும் வியூகங்களுடன் விளையாடி பிரேஸில் முன்கள வீரர்களைக் கட்டுப்படுத்தினர்.

குறிப்பாக பிரேஸில் நட்சத்திர வீரர் நேமாரை அவர்கள் கட்டுப்படுத்திய விதம் சிறப்பாக அமைந்தது.

போட்டியின் கடைசிக் கட்டத்தில் கோல் நிலையை சமப்படுத்துவதற்கு நேமார் எடுத்த முயற்சியின்போது பந்தை குறுக்கு கம்பத்துக்கு மேலாக கோர்ட்டொய்ஸ் வலதுகையால் தட்டி பெல்ஜியத்தைக் காப்பாற்றினார்.

இப் போட்டியில் திறமையாக விளையாடிய பிரெஸிலுக்கு அதிர்ஷ்டம் இருக்கவில்லை என்பதுதான் உண்மை.

 

4_belgium_gk_could_not_reach_thisபோட்டியின் 13ஆவது நிமிடத்தில் பெல்ஜியம் வீரர் கெவின் டி ப்றயனின் கோர்ணர் கிக் பந்தை தனது தலையால் வின்சென்ட் கொம்ப்பெனி முட்டியபோது பந்து அவரை உராய்ந்தவாறு லூயிஸ் ரோஸா பெர்னாண்டின்ஹொவின் தோளில் பட்டு பிரேஸிலின் சொந்த கோலினுள்ளேயே சென்றது.

ஆனால் போட்டியின் 31ஆவது நிமிடத்தில் கெவின் டி ப்றயன் 18 யார் தூரத்திலிருந்து வலது பாதத்தால் பந்தை தாழ்வாக செல்லும் வகையில் உதைத்து போட்ட பெல்ஜியத்தின் இரண்டாவது கோல் ஒரு சிறந்த கோலாக அமைந்தது.

இந்த கோல் போடப்படுவதில் பிரதான பங்காற்றியவர் லூக்காக்கு ஆவார். தனது எல்லையிலிருந்து பந்தை வேகமாக முன்னோக்கி நகர்த்திச் சென்ற லூக்காக்கு பரிமாறிய பந்தையே டி ப்றயன் கோலாக்கினார்.

KAZAN, RUSSIA - JULY 06:  Kevin De Bruyne of Belgium scores his team's second goal during the 2018 FIFA World Cup Russia Quarter Final match between Brazil and Belgium at Kazan Arena on July 6, 2018 in Kazan, Russia.  (Photo by Shaun Botterill/Getty Images)

இடைவேளையின் பின்னர் பிரேஸிலின் ஆதிக்கம் வெளிப்பட்டபோதிலும் அதன் கோல் போடும் முயற்சகள் கைகூடாமல் போயின.

மறுபுறத்தில் அவ்வப்போது பிரேஸில் கோல் எல்லையை நோக்கி பெல்ஜியம் வீரர்கள் பந்தை நகர்த்தியபோதிலும் அவர்களால் கோல் எண்ணிக்கையை அதிகரிக்க முடியவில்லை.

இப் பகுதி ஆட்டத்தின்போது பிரேஸில் சில மாற்றுவீரர்களை களம் இறக்கியதன் மூலம் பலன் கிடைத்தது.

போட்டியின் 76ஆவது நிமிடத்தில் இடது புறத்திலிருந்து கூட்டின்ஹோ உயர்வாக பரிமாறிய பந்தை தனது தலையால் தட்டிய மாற்றுவீரர் ரொனாட்டோ ஒகஸ்டோ கோல் நிலையில் 2 க்கு 1 என ஆக்கினார்.

 

KAZAN, RUSSIA - JULY 06:  Fernandinho of Brazil scores an own goal for Belgium's first goal during the 2018 FIFA World Cup Russia Quarter Final match between Brazil and Belgium at Kazan Arena on July 6, 2018 in Kazan, Russia.  (Photo by Kevin C. Cox/Getty Images)

இதனைத் தொடர்ந்து கோல் நிலையை சமப்படுத்துவதற்கு பிரேஸில் கடுமையாக முயற்சித்தது. ஆனால் பெல்ஜியம் பின்கள வீரர்களும், கோல்காப்பாளரும் விவேகத்துடன் செயற்பட்டு தமது அரை இறுதி வாய்ப்பை உறுதி செய்தனர்.

உலகக் கிண்ண வரலாற்றில் பெல்ஜியம் அரை இறுதிக்கு முன்னேறியிருப்பது இது இரண்டாவது தடவையாகும்.

LEAVE A REPLY

*

WordPress spam blocked by CleanTalk.