விடு­தலைப் புலி­களின் தலைவர் பிர­பா­க­ரனை பாது­காக்க அமெ­ரிக்க முயற்­சித்­தது!! மேஜர் ஜெனரல் கமல் குண­ரத்ன அளித்த விசேட செய்தி!!

0
66

 

விடு­தலைப்புலி­களின் தலைவர் பிர­பா­க­ரனை உயி­ருடன் பாது­காக்கும் அமெ­ரிக்­காவின் முயற்­சி தோல்­வி­ய­டைய செய்­யப்­பட்­டது.

அதி­லி­ருந்து முன்­னேற்றம் கண்டு புலி­களின் அனைத்து மட்­டத்­தி­லான உறுப்­பி­னர்­களும் உயி­ரி­ழக்கும் வரை போர் தீவி­ர­மாக முன்னெடுக்­கப்­பட்­டது.

சர­ண­டைந்­த­வர்கள் அனை­வரும் உயிர் தப்­பி­னார்கள். வெள்ளைக்­கொ­டி­யுடன் புலிகள் இயக்­கத்தில் எந்­த­வொரு தலை­வரும் வரவில்லை என வன்னி பாது­காப்பு தலை­மை­ய­கத்தின் முன்னாள் கட்­ட­ளை­ய­தி­கா­ரியும் 53 ஆவது படை­ய­ணியின் தள­ப­தி­யு­மான மேஜர் ஜெனரல் கமல் குண­ரத்ன தெரி­வித்தார்.

சர­ண­டைந்­த­வர்­களை இரா­ணுவம் படு­கொலை செய்­தி­ருந்தால் புலி­களின் கடற்­படை தள­பதி சூசையின் மனைவி இன்று உயி­ருடன் இருந்­திருக்க மாட்டார்.

இரா­ணுவம் நினைத்­தி­ருந்தால் அவரை நடுக்­க­டலில் வெட்டி வீசி­யி­ருக்க முடியும். ஆனால் அவ்­வாறு செய்ய வில்லை. எனவே எரிக் சொல்ஹெய்ம் என்­பவர் பக்­கச்­சார்­பான மோச­மான மனிதர்.

வேறு நபர்­களின் நோக்­கங்­க­ளுக்­காக இலங்­கையின் இறை­யாண்­மைக்கு பாதிப்பு ஏற்­ப­டுத்தும் வகையில் செயற்­பட்ட மற்­று­மொரு சதிகாரர் எனவும் அவர் குறிப்­பிட்டார்.

விடு­தலைப் புலி­க­ளுக்கு எதி­ரான இறு­திக்­கட்ட போரில் 53 ஆவது படை­ய­ணியின் தள­ப­தி­யாக மேஜர் ஜெனரல் கமல் குண­ரத்ன செயற்­பட்­டி­ருந்தார்.

புதுக்­கு­டி­யிருப்­பி­லி­ருந்து முள்­ளி­வாய்க்கால் மற்றும் நந்­திக்­கடல் நோக்கி இறு­திக்­கட்ட போர் நகர்த்­தப்­படும் போது 53 ஆவது படை­யணி விடு­தலைப் புலி­களின் தலைவர் பிர­பா­க­ரனின் உடலை கைப்­பற்­றி­யமை குறிப்­பி­டத்­தக்­கது.

இந்­ந­ிலையில் இறு­திக்­கட்ட போர், அதற்கு பின்­ன­ரான போர்க் குற்­றச்­சாட்­டுக்கள் உள்­ளிட்ட பல்­வேறு விட­யங்களை தெளிவு­ப­டுத்தும் வகையில் கே­ச­ரிக்கு வழங்­கிய விசேட செவ்­வி­யி­லேயே மேஜர் ஜெனரல் கமல் குண­ரத்ன மேற்­கண்­ட­வாறு தெரி­வித்தார். அவர் வழங்­கிய செவ்வி வரு­மாறு,

போரை முடி­விற்கு கொண்டு வந்த படைத் தள­ப­தி­களில் ஒருவர் என்ற வகையில் இலங்­கையின் தற்­போ­தைய நிலைமை குறித்து உங்­க­ளது நிலைப்­பாடு என்ன?

ப : நாட்டில் மிகவும் துர­திர்ஷ்­ட­மான காலப்­ப­கு­தி­யா­கவே கடந்த கால போர் காணப்­பட்­டது. ஒவ்­வொரு நாளும் மரண ஓலங்­களே கேட்டன.

உயி­ரிழந்­தவர்கள் படை­யி­ன­ரா­கவும் இருக்­கலாம். விடு­தலைப் புலிகள் இயக்­கத்தின் உறுப்­பி­னர்­க­ளா­கவும் இருக்­கலாம். ஆனால் அனைவ­ருமே இந்த நாட்டின் தமிழ், சிங்­கள இளை­ஞர்கள். மூன்று தசாப்­த காலம் நீடித்த அந்த போரில் தினமும் மர­ணங்­களை தவிர வேறு எதுவும் நாட்­டிற்கு கிடைக்கவில்லை.

விடு­தலைப் புலிகள் தமது பிள்­ளை­களை போருக்கு அழைத்து சென்று விடு­வார்கள் என்ற அச்சநிலை வடக்கின் பெற்­றோருக்கு காணப்பட்­டது.

மறுபுறம் தென்­னி­லங்­கை­யிலும் பெற்­றோர் தமது பிள்­ளை­களின் எதிர்­காலம் குறித்து அச்­சப்­பட்­டனர். இதனால் தான் பல பாடசாலைகளில் பெற்­றோர் காவ­லி­ருந்­தனர். இவ்­வா­றான மிகவும் மோச­மான அச்சம் நிறைந்த சூழலில் இலங்­கையின் எதிர்­கா­லமே சூன்­ய­மாகும் வகை­யி­லேயே கடந்த காலப்போர் நீண்­டி­ருந்­தது.

ஆனால் அதிர்ஷ்­ட­வ­ச­மாக விடு­தலைப் புலி­களை முழு­மை­யாக அழித்து இலங்­கைக்கு அமை­தியை பெற்றுக் கொடுக்க எம்மால் முடிந்தது.

2009 ஆம் ஆண்டு மே மாதம் 19 ஆம் திக­தி­யி­லி­ருந்து அனைத்து இன மக்­களின் மத்­தி­யிலும் நம்­பிக்கை மலர்ந்­தது. அன்­றி­ருந்து இன்று வரை எவ்­வி­த­மான பயங்­க­ர­வாத நட­வ­டிக்­கை­களும் நாட்டில் ஏற்­படவில்லை.

சிறு சிறு பிரச்­சி­னைகள் ஏற்­பட்­டாலும் அதற்கு சிங்­கள மற்றும் தமிழ் சந்­தர்ப்­ப­வாத அர­சியல் தலை­வர்­களே கார­ண­மா­கின்­றனர். எனது 35 வருட இரா­ணுவ சேவைக் காலத்தில் 25 வரு­டங்­க­ளுக்கும் மேலாக வடக்கு மற்றும் கிழக்­கி­லேயே பணி­யாற்­றி­யுள்ளேன்.

அந்த வகையில் அங்கு வாழும் தமி­ழர்­களின் உணர்­வு­களை என்னால் உணர முடிந்­துள்­ளது. அந்த அப்­பா­வி­களின் பிள்­ளைகள் துப்பாக்கியை கையி­லெ­டுக்க சந்­தர்ப்­ப­வாத அர­சி­யல்­வா­தி­களின் தவ­றான வழி­ந­டத்­தல்­களே கார­ண­மா­கி­யது.

பிற்­கா­லத்தில் இது பெரும் போராக வெடித்­த ­போது அதனை கட்­டுப்­ப­டுத்த போராட வேண்­டிய நிலை எமக்கு எற்­பட்­டது.

போரில் சிங்­களம், தமிழ் என்ற பேதம் இல்லை. தென்­னி­லங்­கை­யிலும் சிங்­கள பயங்­க­ர­வாத செயற்­பா­டுகள் காணப்­பட்ட போது அதனையும் நாங்கள் அழித்தோம்.

இதன் போதும் கூட சிங்­கள இளை­ஞர்கள் பலர் கொல்­லப்­பட்­டனர். அதே போன்று தான் வடக்கு மற்றும் கிழக்­கிலும் போரில் பல்­லா­யிரம் தமிழ், இளைஞர் யுவ­திகள் உயி­ரி­ழந்­தனர். விடு­தலைப் புலிகள் கூட தமக்கு எதி­ராக செயற்­பட்ட எத்­த­னையோ தமிழ் இளை­ஞர்கள் மற்றும் தலை­வர்கள் என படு­கொலை செய்­தனர்.

இது போதாது என்று இந்­திய இரா­ணுவம் இலங்கை வந்து இளை­ஞர்­களை கொலை செய்ய தொடங்­கி­யது. உயி­ரி­ழந்­தவர்கள் தமிழர்களா, சிங்­க­ளவர்களா என்பது பிரச்­சினை இல்லை.

அவர்கள் இலங்­கை­யர்கள் என்ற பார்­வையே மிகவும் முக்­கி­ய­மா­னது. இவ்­வாறு பல குழப்­பங்­க­ளுக்குள் சிக்­கி­யி­ருந்த போரை முடி­விற்கு கொண்டு வந்து நாட்டை புதிய பாதையில் வழி நடத்த ஒத்­து­ழைப்பு வழங்­கினோம்.

இறு­திக்­கட்ட போரில் சுமார் 6 ஆயிரம் விடு­தலைப் புலி உறுப்­பி­னர்கள் சர­ண­டைந்­தனர். மேலும் 6 ஆயிரம் வரை­யி­லான விடு­தலைப் புலி உறுப்­பி­னர்­களை அகதி முகாம்­களில் மக்­க­ளோடு மக்­க­ளாக இருக்­கையில் கைது செய்தோம்.

இவர்கள் அனை­வ­ருக்கும் புனர்­வாழ்வு அளித்து சமூ­க­ம­யப்­ப­டுத்­தி­னோமே தவிர யாரையும் கொலை செய்யவில்லை. மாறாக அவர்களுக்கு வாழ்­வ­தற்­கான சூழலை கொடுத்தோம். எனது படை­யணி மாத்­திரம் 4 ஆயிரம் வீடு­களை வன்­னியில் பாதிக்­கப்­பட்ட மக்களுக்கு அமைத்துக் கொடுத்­துள்­ளது.

ஆனால் காயத்­தை ஆற­வி­டாமல் நோண்டும் யாச­கனை போன்று இரண்டு இனங்களிலும் உள்ள சந்­தர்ப்­ப­வாத அர­சி­யல்­வா­திகள் பகை­மையை தோற்­று­வித்து வரு­கின்­றனர்.

35 வரு­ட­கா­ல­மாக தமிழ் மக்கள் வாழும் பகு­தி­களில் பணிபு­ரிந்த இரா­ணுவ அதி­காரி என்ற வகையில் அந்த மக்கள் தனி ஈழம் கோருகின்றனர் என்­பதை என்னால் ஏற்றுக் கொள்ள முடி­யாது.

வடக்கு மற்றும் கிழக்கு வாழ் தமிழ் மக்­க­ளுக்கு தேவை தமி­ழீழம் அல்ல. பாது­காப்­பு­டனும் மகிழ்ச்­சி­யா­கவும் சுய கௌர­வத்­துடனும் வாழக்கூடிய சூழலே அந்த மக்­க­ளுக்கு தேவைப்­ப­டு­கின்­றது.

இதற்­கான சந்­தர்ப்­பத்தை ஏற்­ப­டுத்தி கொடுக்­காது சுய அர­சியல் தேவை­க­ளுக்­காக தமிழ் மக்­களை குழப்­பி­யமை பெரும் போருக்கு வித்திட்­டது.

அவ்­வாறா­ன­தொரு தூண்­டுதல் மீண்டும் ஏற்­படக்கூடாது. அதி­கா­ரத்தை பகி­ர்ந்து பிர­தே­சங்­களை பிரித்­துக்­கொள்ளும் அளவிற்கு இலங்கை இந்­தியா அல்ல.

இது­வொரு சிறிய நாடு. அதி­கா­ரத்தை பகிர்ந்து நல்­லி­ணக்­கத்தை எவ்­வாறு ஏற்­ப­டுத்த முடியும்? சாத்­தி­ய­மற்ற விட­யத்­திற்கு மல்­லுக்கு நிற்கக் கூடாது.

புதிய அர­சி­ய­ல­மைப்பு விவ­கா­ரமும் அதனை போன்று ஒன்­றுதான். காணி மற்றும் பொலிஸ் உள்­ளிட்ட அதி­கா­ரங்கள் வழங்­கப்­படும் போது அவர்கள் சுய­மாக வாழ ஆரம்­பிப்­பார்கள்.

இதன்போது உத்­தி­யோ­கப­ூர்­வ­மற்ற வகையில் நாடு பிள­வு பட்டு இருக்கும். எனவே தான் தற்­போ­தைய அர­சாங்கம் முன்­னெ­டுக்கும் புதிய அர­சி­ய­ல­மைப்­பிற்கு எதிர்ப்பை வெளியி­டு­கின்றேன்.

போரின் இறுதி தரு­ணங்கள் பல்­வேறு சர்ச்­சை­க­ளுக்கும் மர்­மங்­க­ளுக்கும் வித் திட்­டுள்­ளது. அந்த வகையில் இறு­திக்­கட்ட போரின் போது உங்­க­ளுக்கு கட்­டளை வழங்­கி யது யார்? அப்­போ­தைய இரா­ணுவ தளப­தி­யாக பதவி வகித்த பீல்ட் மார்ஷல் சரத் ­பொன்­சேகா நாட்டில் இருக்கவில்லை என்பதால் தான் இந்த கேள்­வியை நான் கேட்­கின்றேன்?

ப : இறு­திக்­கட்ட போர் தீர்க்­க­மான நிலை­மையில் காணப்­பட்ட போது அப்­போ­தைய இரா­ணுவ தள­பதி சீனாவில் முக்­கிய கட­மை­யொன்றின் நிமித்தம் சென்­றி­ருந்தார்.

ஆனால் இரண்டு மணித்­தி­யா­லங்­க­ளுக்கு ஒரு முறை எம்­முடன் தொடர்பில் இருந்து தேவை­யான கட்­ட­ளை­களை எமக்கு தொடர்ந்தும் வழங்­கினார். எவ்­வாறு இறுதிக்கட்ட போரை முன்­னெ­டுப்­பது போன்ற விட­யங்­களை எம்­முடன் அடிக்­கடி தொலை­பே­சியில் தொடர்­பு கொண்டு கலந்­து­ரை­யா­டினார்.

எனவே எமக்கு யார் கட்­டளை வழங்­கி­னார்கள் என்­பதில் எவ்­வி­த­மான சந்­தே­கமும் இல்லை. இந்த அனைத்து சந்­தர்ப்­பங்களிலும் அப்போதைய இரா­ணுவ தளபதி முப்­ப­டை­களின் தள­பதி என்ற வகையில் ஜனா­தி­பதி மஹிந்த ராஜ­ப­க் ஷ­வு­டனும் பாது­காப்பு செய­லாளர் கோத்­த­ாபய ராஜ­ப­க் ஷ­வு­டனும் கலந்­து­ரை­யா­டிய பின்­னரே எம்­முடன் தொடர்பு கொண்டு கள நிலை­மை­களை ஆராய்ந்து நெறிப்படுத்தினார்.

எம்மை வேறு யாரும் வழி நடத்தவில்லை. இறு­திக்­கட்ட போரில் ஒட்­டு­மொத்த இரா­ணு­வத்­தையும் வழி­ந­டத்­தி­யவர் அப்­போ­தைய இரா­ணுவ தள­பதி தான்.

வன்னி பாது­காப்பு படை­களின் 53 ஆவது படை­ய ணியே விடு­தலைப் புலிகள் இய­க்கத்தின் தலைவர் பிர­பா­க­ரனின் உடலை கண்­டு பி­டித்­தது. அந்த படை­ய­ணிக்கு நீங்­களே தலைமை தாங்­கி­னீர்கள். அந்த வகையில் அவர் எவ்­வாறு உயி­ரி­ழந்­தி­ருந்தார் என்­பதை உங்களால் கூற முடி­யுமா ?

: பிர­பா­க­ரனின் உடலை கண்­டுபி­டித்த போது அங்­கி­ருந்த ஊட­க­வி­ய­லா­ளர்­க­ளிடம் ஒரு கருத்தை முன் வைத்தேன். அதா­வது இலங்கை வர­லாற்றில் மிகவும் கொடூ­ர­மான மனிதன் இரா­ணு­வத்தின் துப்­பாக்கி பிர­யோ­கத்தில் உயி­ரி­ழந்­துள்ளார் என குறிப்­பிட்டேன்.

பிர­பா­க­ரனின் உடலை கண்­டுபி­டித்த போது அவ­ரது அடை­யாள அட்­டையும், நீரிழிவு நோய்க்கு பயன்­ப­டுத்­தப்­படும் மருந்­துகள் மற்றும் கைத்­துப்­பாக்கி ஒன்­றுமே கிடைத்­தன.

இதைத்தவிர வேறு ஒன்றும் அவ­ரிடம் இருக்க வில்லை. உடலை கண்­டுபி­டித்த போது முதலில் தொலை­பே­சியில் அறி­வித்தோம். பின்னர் கள­நி­லைமை அறிக்­கையை எழுத்து மூல­மாக அறி­யப்­ப­டுத்­தினோம்.

இந்த அறிக்கை பிர­பா­க­ரனின் மர­ணத்தை உறு­திப்­ப­டுத்திய முத­லா­வது ஆவ­ண­மாகும். இதில் முழு­வி­ப­ரமும் குறிப்­பி­டப்­பட்­டுள்­ளது. இதில் கவ­லை­யான விட­யமும் உள்­ளது.

அதா­வது வடக்கு மற்றும் கிழக்கில் பல்­லா­யிரம் தமிழ் இளைஞர், யுவ­தி­களின் கழுத்­தில் சயனைட் பட்­டியை அணி­வித்த பிர­பா­க­ர­னிடம் சயனைட் இருக்கவில்லை. தலையில் துப்­பாக்கி ரவை தாக்கி உயி­ரிழந்து கிடந்தார். ஆனால் அவ­ருடன் இருந்த சிலர் சயனைட் உட்­கொண்டு உயி­ரி­ழந்த நிலையில் உடல்­களை கைப்­பற்­றி­யி­ருந்தோம்.

மனி­தா­பி­மான நட­வ­டிக்­கை­யாக அடை­யா ளப்­ப­டுத்தி இறு­திக்­கட்ட போரை முன்­னெ டுத்­தி­ருந்­தீர்கள். அவ்­வா­றானால் சர்­வ தேசம் இராணு­வத்தின் மீது போர்க் குற்­றங்­களை சுமத்­து­வ­தற்கு காரணம் என்ன ?

ப : உண்­மையில் இதுதான் மிகவும் மோச­மான நிலை­மை­யாகும். எமக்கு எதி­ராக போர் குற்­றங்­களை சுமத்தும் சர்­வ­தேச நாடுகள் உலகில் எந்­த­ளவு போர்­க்குற்­றங்­களை செய்­துள்­ளன என்­பது அனை­வ­ருக்கும் தெரிந்த விட­ய­மாகும்.

ஈராக்கை பாருங்கள், சதாம் ஹுசைன் அந்த நாட்டை ஆட்சி செய்தார். கடின ஆட்சி முறைமை என்­றாலும் மக்­க­ளுக்கு வாழ்­வ­தற்கு சுதந்­திரம் இருந்­தது. ஆனால் இன்று அந்த மக்கள் நிம்­ம­தி­யாக வாழ முடி­யாதுள்­ளனர்.

லிபி­யாவின் கடாபி அந்த நாட்டை எந்­த­ளவு வள­மாக ஆட்சி செய்தார் என்­பது அனை­வ­ருக்கும் தெரியும். ஆனால் இன்று அந்த நாட்டின் நிலை­மையை பாருங்கள்.

சிரி­யாவின் நிலை­மையும் அதே தான். ஆப்­கா­னிஸ்­தானில் எடுப்­ப­தற்கு ஒன்­றுமே இல்­லாத நிலையே காணப்­ப­டு­கின்­றது. எமக்கு எதி­ராக போர்க் குற்­றச்­சாட்­டுக்­களை சுமத்தும் சர்­வ­தேசம் மேற்­கூ­றிய நாடு­களின் அழி­விற்கும் கார­ண­மா­கி­யுள்­ளது.

போரில் சிக்கி பேர­ழிவை சந்­தித்த இலங்கை இன்று அமைதிக் காற்றை சுவா­சிக்­கின்­றது. ஆனால் நாங்கள் குற்­ற­வா­ளி­க­ளாக அடை­யா­ளப்­ப­டுத்­தப்­ப­டு­கின்றோம். இதிலும் மிகவும் மோச­மான நிலைமை எது­வென்றால் சர்­வ­தே­சத்தின் தாளத்­திற்கு நாட்டின் தலை­வர்­களும் ஆடு­வ­தாகும்.

று­திக்­கட்ட போரில் குற்­றங்­களே இடம்­பெ­ற­வில்லை என்று நீங்கள் கூறு கின்­றீர்கள். ஆனால் அப்­போ­தைய இரா ணுவ தள­ப­தி­யாக இருந்த பீல்ட் மார்ஷல் சரத் ­பொன்­சேகா ஆதாரம் உள்­ளதாக கூறு கின்றாரே?

ப : அந்த விடயம் தொடர்பில் நான் கருத்து கூற விரும்பவில்லை. பிரச்­சி­னை­யுடன் தொடர்­பு­பட்ட இரு­வ­ருமே எனது இரா­ணுவ தள­ப­திகள். இரா­ணுவ ஒழுக்கம் உள்ள அதி­காரிகள் என்ற வகையில் அவர்­களின் கருத்­துக்கள் குறித்து விளக்­க­ம­ளிக்க விரும்­ப­வில்லை. தனிப்­பட்ட கோப தாபங்­களில் இரா­ணு­வத்தை பலி­யாக்கக் கூடாது. இந்த முறை ஜெனி­வா­விலும் இந்த விடயம் பேசப்­பட்­டது. இதனால் நாட்­டிற்கு பாரிய இழுக்கு ஏற்­பட்­டுள்­ளது.

எத்­த­கைய முரண்­பா­டுகள் காணப்­பட்ட போதிலும் இரா­ணு­வத்தை பாதிக்கும் வகையில் கருத்­து­களை வெளியி­டு­வது ஏற்­றுக்­கொள்ள கூடிய விட­ய­மல்ல.

அதே போன்று குற்­றச்­சாட்­டிற்கு இலக்­கா­கி­யுள்ள ஜகத் ஜய­சூ­ரிய இறு­திக்­கட்ட போரில் நேர­டி­யாக தொடர்­பு­பட்டு செய­ற்­படவில்லை. மாறாக இரா­ணு­வத்­திற்கு தேவை­யான உத­வி­களை வழங்­கு­வதே அவ­ருக்கு வழங்­கப்­பட்ட பணி­யாக காணப்­பட்­டது.

இரா­ணு­வத்­திற்கு தேவை­யான உணவு மற்றும் காய­ம­டைந்த வீரர்­களை கொண்டு செல்­வது உள்­ளிட்ட உத­வி­க­ளையே ஜெனரல் ஜகத் ஜய­சூ­ரிய வழங்­கினார்.

எனவே போர்க்குற்றம் செய்யக்கூடிய சந்­தர்ப்பம் அவ­ருக்கு கிடைக்கவில்லை. எனவே அவ­ருக்கு எதி­ராக முன்­வைக்­கப்­பட்­டுள்ள போர்க் குற்­றச்­சாட்­டுக்கள் உண்­மைக்கு முர­ணா­வையாகும்.

சர்ச்­சைக்­கு­ரிய ஜோசப் சித்­தி­ர­வதை முகாம் ஜெனரல் ஜகத் ஜய­சூ­ரி­யவின் கட் டுப்­பாட்டில் இருந்­த­தாக அவ­ருக்கு எதி­ராக சர்­வ­தே­சத்தில் தாக்கல் செய்­யப்­பட்­டுள்ள வழக்கில் குற்றம் சுமத்­தப்­பட்­டுள்­ளதே?

ப : வன்னி பாது­காப்பு கட்­டளை தலை­மை­யக கட்­டுப்­பாட்­டிற்குள் எவ்­வி­த­மாக சித்­தி­ர­வதை முகாம்­களும் இருக்கவில்லை. ஜெனரல் ஜகத் ஜய­சூ­ரி­ய­விற்கு பின்னர் வன்னி கட்­டளை தள­ப­தி­யாக நானே செயற்­பட்டேன். இவர்கள் கூறு­வது போன்று சித்­தி­ர­வதை முகாம்கள் காணப்­பட்­டி­ருந்தால் எனக்கு தெரிய வந்­தி­ருக்கும். ஆகவே அவ்­வாறு ஒன்று இருக்க வில்லை என்­பதே உண்­மை­யாகும்.

“எளிய” என்ற அமைப்பின் நோக்கம் என்ன?

ப : நாட்டை துண்­டாடும் நோக்கில் முன்­னெ­டுக்­கப்­ப­டு­கின்ற உத்­தேச புதிய அர­சி­ய­ல­மைப்பை தோல்­வி­யடைச் செய்­வதே “எளிய” அமைப்பின் நோக்­க­மாகும். புரட்சி என்று செய்­வது எமது நோக்கம் அல்ல.

மக்­களை தெளிவு­ப­டுத்தும் நட­வ­டிக்­கையை முன்­னெ­டுத்து வரு­கின்றோம். பொதுமக்­க­ளுக்கு உண்­மை­களை மறைத்து புதிய அர­சி­ய­ல­மைப்பு விட­யங்கள் முன்­னெ­டுக்­கப்­ப­டு­கின்­றன.

எனவே உண்­மை­களை நாட்­டிற்கு வெளிச்­சப்­ப­டுத்­து­வதே “எளிய” அமைப்பின் பணி­யாக காணப்­ப­டு­கின்­றது. இது அர­சியல் விடயம் அல்ல. அர­சி­ய­லுக்கு வர வேண்­டிய தேவையும் எமக்கு இல்லை.

தொடர்ந்தும் நாட்­டிற்கு சேவை­யாற்ற வேண்­டி­யது எமது கட­மை­யாகும். இரா­ணுவ அதி­காரி என்ற வகையில் இந்த அமைப்பில் இணைந்து மக்­களை தெளிவு­ப­டுத்தி வரு­கின்றேன்.

அதேபோன்று பல துறைசார் நிபு­ணர்கள் எம்­முடன் இணைந்து செயற்­பட்டு வரு­கின்­றனர். முன்னாள் பாது­காப்பு செய­லாளர் கோத்­த­ாபய ராஜ­ப­க் ஷவும் எம்­முடன் இணைந்து செயற்­ப­டு­கின்றார். அவர் ஒரு அர­சி­யல்­வாதி அல்ல. எதிர்­கா­லத்தில் அர­சி­ய­லுக்கு வரு­வாரா என்று தெரி­ய­வில்லை.

மனி­தா­பி­மான நட­வ­டிக்­கையில் சர்­வ­தே சத்தின் செயற்­பா­டுகள் எவ்­வாறு காணப் பட்­டன?

ப : சர்­வ­தே­சத்­தி­ட­மி­ருந்து எவ்­வி­த­மான ஒத்­து­ழைப்­பு­க­ளையும் நாங்கள் எதி­ர­்பார்க்க வில்லை. பிர­பா­கரன் இறு­தியில் பிடித்து வைத்திருந்தது எமது நாட்டு மக்­களை. அவர்­களை மீட்­டெ­டுக்கும் போராட்­டத்­தையே மனி­தா­பி­மான நட­வ­டிக்­கை­யாக முன்­னெ­டுத்­தி­ருந்தோம்.

பல இலட்சம் மக்­களை மீட்­டெ­டுத்தோம். ஐ.நா. புகைப்­பட ஆதா­ரங்கள் புலிகள் பொது மக்கள் மீது துப்­பாக்கி பிர­யோகம் நடத்­தி­யதை உறுதிப்­ப­டுத்­தி­ன.

ஆனால் போர் வல­யத்­திற்குள் சிக்­குண்­டி­ருந்த அனைத்து மக்­க­ளையும் மீட்­டெ­டுத்தோம். மெனிக்பாம் முகாம் உள்­ளிட்ட பல முகாம்­களில் பாதிக்­கப்­பட்ட மக்­களை வைத்து தேவை­யான அனைத்து உத­வி­க­ளையும் இரா­ணுவம் செய்­தது.

இதன்போது சர்­வ­தேச அமைப்­புகள் எமக்கு ஒத்­து­ழைப்­பு­க்களை வழங்­கின. இதனை தவிர இறு­திக்­கட்ட போரில் சர்­வ­தேசம் எமக்கு எவ்­வி­த­மான ஒத்­து­ழைப்­பு­க­ளையும் வழங்கவில்லை.

விடு­தலைப் புலி­களின் தலைவர் பிர­பா­க­ரனை பாது­காக்க அமெ­ரிக்க முயற்­சித்­த தாக “ரோட் டு நந்­திக்­கடல்” என்ற நூலில் நீங்கள் குறிப்­பிட்­டுள்­ளீர்கள்?

ப : புலி­களின் தலைவர் பிர­பா­க­ரனை மூன்றாம் தரப்­பிடம் சர­ண­டை­வ­தற்கு சந்­தர்ப்பம் வழங்­கு­மாறு அர­சாங்­கத்­திற்கு அமெ­ரிக்கா பாரியளவில் அழுத்­தங்­களை கொடுத்­தது.

இதன் போது சர்­வதேசம் தொடர்பில் எமக்­கி­ருந்த நம்­பிக்கை மிகவும் குறை­வா­கவே காணப்­பட்­டது. இரா­ணு­வத்­திடம் சர­ண­டை­வ­தற்கு பிர­பா­க­ர­னுக்கு வாய்ப்­ப­ளிக்க முடியும். ஆனால் மூன்றாம் தரப்பின் பிர­சன்னம் ஏற்­றுக்­கொள்ள முடி­யாது என திட்ட­வட்­ட­மாக அப்­போது அறி­விக்­கப்­பட்­டது.

ஆனால் அமெ­ரிக்கா அச்­சு­றுத்தும் வகையில் மூன்றாம் தரப்­பிடம் பிர­பா­க­ரனை சர­ண­டை­வ­தற்கு வாய்ப்பு அளிக்­கு­மாறு குறிப்பிட்டிருந்தது. இந்­நி­லையில் ஏற்­படக்கூடிய அனைத்து சவால்­க­ளையும் எதிர்­கொள்­வ­தற்கு தயா­ரான நிலை­யி­லேயே இறு­திக்­கட்ட போரை முன்­னெ­டுத்தோம். சர­ண­டைந்த அனை­வரும் புனர்­வாழ்வு பெற்று வாழ்­கின்­றனர். இவர்கள் யாரையும் நாங்கள் கொலை செய்யவில்லை.

உதா­ர­ண­மாக விடு­தலைப் புலி­களின் கடற்­படை தள­பதி சூசையின் மனைவி கடலில் சிறிய படகில் தப்­பித்து செல்லும் போது கைது செய்யப்­பட்டார்.

அப்­போது நினைத்­தி­ருந்தால் அவரை படு­கொலை செய்து கடலில் போட்­டி­ருக்க முடியும். ஆனால் நாங்கள் அப்­படி செய்யவில்லை. அவரை உரிய வகையில் கைது செய்து சட்­டத்தின் அடிப்­ப­டையில் நட­வ­டிக்கை எடுத்தோம். அதேபோன்று தான் தமிழ்ச்­செல்­வனின் மனை­வியும். இன்றும் அவர் உயி­ருடன் உள்ளார். அமெ­ரிக்­காவின் தேவை மூன்றாம் தரப்­பிடம் சர­ண­டைய செய்­வ­தாகும். அதற்­கான வாய்ப்பை நாங்கள் வழங்கவில்லை.

அப்­ப­டி­யானால் வெள்ளைக் கொடி­யுடன் யாரும் வர­வில்லை என்றா கூறு­கின்­றீர்கள்?

ப : வெள்ளைக் கொடி­யுடன் வந்­த­வர்கள் புனர்­வாழ்வு முகாம்­க­ளுக்கு அனுப்­பப்­பட்டு தற்­போதும் உயிர்­வாழ்­கின்­றனர். ஆனால் சர்ச்­சையை வெளிப்­ப­டுத்தும் வகையில் கூறப்­பட்ட வெள்ளைக்­கொடி விவ­காரம் நான­றிய இடம்­பெ­ற­வில்லை. விடு­தலைப் புலிகள் இயக்­கத்தின் தலை­வர்கள் யாரும் வெள்ளைக்­கொ­டி­யுடன் வரவில்லை என்­பதே உண்­மை­யாகும்.

புலி­களின் தலை­வர்கள் வெள்ளைக்­கொ­டி யுடன் சர­ண­டைய விரும்­பி­யமை குறித்து நோர் வேயின் இலங்­கைக்­கான முன்னாள் சமா­தான தூதுவர் எரிக் சொல்ஹெய்ம் ஊடகம் ஒன் றுக்கு கருத்து தெரி­வித்­தி­ருந்தார்?

ப : நந்­திக்­கடல் போர்க்களத்தில் எரிக் சொல்ஹெய்ம் இருக்கவில்லை. அங்­கி­ருந்­தது நான். எனவே வெள்ளைக்­கொ­டி­யுடன் வந்­தார்­களா இல்­லையா என்­பது எனக்கே தெரியும்.

எரிக் சொல்­ஹெய்மிற்கு தெரி­வ­தற்­கான வாய்ப்பே இல்லை. எரிக் சொல்ஹெய்ம் என்­பவர் பக்­கச்­சார்­பான மோச­மான மனிதர். வேறு நபர்­களின் நோக்­கங்­க­ளுக்­காக இலங்­கையின் இறை­யாண்­மைக்கு பாதிப்பு ஏற்­ப­டுத்தும் வகையில் செயற்பட்ட மற்றுமொரு சதிகாரரே எரிக் சொல்ஹெய்ம் என்பவர். அவரது பெயரை சொல்லவே நாங்கள் விரும்ப வில்லை.

இறுதிக்கட்ட போரின் போது புலிகளின் தலைவர்கள் பலர் கடல் வழியாக தப்பித்து சென்றதாக கூறப்படுகின்றது. அதன் உண்மைத்தன்மை என்ன ?

ப : தப்பித்து செல்வதற்கான வாய்ப்புகள் யாருக்கும் இருக்கவில்லை. விடுதலைப் புலிகள் அமைப்பு என்பது கடினமான அமைப்பாகும். அனைத்து தலைவர்களின் சடலங்களையும் இராணுவம் கைப்பற்றியது.

ஆனால் புலிகளின் புலனாய்வுத் துறை பொறுப்பாளராக இருந்த பொட்டு அம்மானின் சடலம் மாத்திரம் இராணுவத்திற்கு கிடைக்கவில்லை.

பொட்டு அம்மான் உயிரிழந்துள்ளமையை கண்ட பொதுமக்கள் உள்ளனர். ஆனால் அவரது சடலம் கிடைக்கவில்லை. பொட்டு அம்மான் தப்பித்து உயிருடன் இருப்பாராயின் போர் முடிவடைந்து 7 வருடங்களாகியும் ஏன் வெளியில் வரவில்லை? உயிருடன் இல்லை என்பதாலேயே பொட்டு அம்மான் வெளியில் வரவில்லை.

படகில் தப்பித்து சென்றதாக கூறப்படுவதில் உண்மையில்லை. சில சந்தர்ப்பங்களில் சாதாரண மட்ட புலி உறுப்பினர்கள் சிறியளவில் தப்பித்து சென்றிருக்கலாம். ஆனால் உயர் மட்டத்தினர் யாரும் அவ்வாறு தப்பித்து செல்ல வாய்ப்பு இல்லை.

நேர்காணல் : லியோ நிரோஷ தர்ஷன்

LEAVE A REPLY

*

WordPress spam blocked by CleanTalk.